Од 2012 година, Ивица Јевтиќ е коосновач  и еден од управувачките партнери  на адвокатското друштво Тошиќ и Јевтиќ. Во неговото 15 годишно искуство во правниот сектор, изгради репутација  како еден од најдобрите адвокати од областа на корпоративното право во Северна Македонија, работејќи на најголемите аквизиции и спојувања и директни странски инвестиции на пазарот во последните 10 години.

Тој, исто така дава постојани консултантски услуги за гринфилд и браунфилд инвестиции во Северна Македонија, ги советува клиентите за зделки од областа на  недвижности  и за зделки за големи заеми. Тој е член на управниот одбор на Македонско-бугарската стопанска комора и е член на АМЧАМ. Беше член на управниот одбор на Македонската кошаркарска федерација од 2018-2019 година. Неговиот последен потфат  кој се однесува на „преземањето на InPlayer од страна на JW Player“, каде што го застапуваше продавачот како главен адвокат од страна на Адвокатското друштво TJ, е една од 3-те зделки кои се најдоа во потесниот избор на CEE Legal Matters 2022 (Правни работи од Централна и Источна Европа 2022) за зделка на годината за Северна Македонија за 2022 година.